立法會議員何君堯聯同撐警藝人陳百祥（阿叻）今日（15 號）下晝喺微博及 FB 直播，用普通話宣示支持《基本法》23條立法嘅立場。不過，港語學翻查影片發現，嘉賓及出鏡人員已經超過四個人，涉嫌違反「限眾令」規定。
「限聚令」禁止多於四人喺公眾地方聚集，以減少傳染武漢肺炎風險，已生效近三星期。無警告下，可以向違規者發出2000港元定額罰款嘅通知書。拍攝地點為於政府總部旁邊草地，肯定為「限聚令」所屬「公眾地方」。直播期間，先後有黑髮、白髮工作人員各一協助何君堯安排直播及座位，前民政事務局局長藍鴻震突然加入討論，加上拍攝本身有人操作鏡頭，涉嫌超過四人規定，違反「限聚令」。
截圖自何君堯Facebook
直播開初，兩人疑為回應大陸觀眾，用普通話交談，但就戴頭盔事先聲明「我嘅普通話非常普通」，希望大陸觀眾見諒；後來三人因為普通話太差無法交談，多次放棄普通話，轉用母語廣東話溝通。
想知道更多有關港語學嘅資訊？請立即訂閱港語學telegram channel同Instagram，跟貼廣東話最新消息！
Telegram：https://t.me/gongjyuhok
Instagram：https://instagram.com/gongjyuhok/