馬來西亞鋼琴女神李元玲日前喺ig story用廣東話介紹家姐由澳洲寄出嘅瑜伽墊，隨即收到簡體字短訊，指責佢用粵語拍片有政治訊息，更激動叫佢「吃狗屎吧！」身為馬來西亞人嘅佢就感嘆：「有時被罵得莫名其妙，我是應該是馬獨吧！」
簡體字短訊係咁鬧佢：「妳講這粵語是什麼意思？港獨嗎？丟光祖國的臉，吃狗屎吧！」令李元玲感到莫名奇妙，因為李元玲其實係馬來西亞華人，只不過講開廣東話。
之後有網友建議李元玲將紅色暴徒個名公開，但佢都係唔令蠢人出名，表示：「我打格子是因為不提倡網路霸凌，我一向對政治立場中立也不談論，不知道為什麼一直收到很極端的政治攻擊與國籍侮辱，希望網路能傳達更多對我們有益的訊息，少點負能量，多點善意。」
其實用廣東話嘅人口唔限於廣東話地區。據統計，新加坡和馬來西亞加埋就有500萬人，全球估計有1億2千萬人用緊廣東話。
馬來西亞粵語係粵語的一個海外分支。馬來西亞華人一般慣稱做「廣東話」或「廣府話」。馬來西亞粵語以廣州話為基礎，融入馬來語、英語及其他漢語變體，同時混用一啲香港粵語詞彙，形成了具有本地特色嘅粵語。馬來西亞粵語亦隨著各地城市而發展出唔同嘅口音，如：怡保口音及吉隆坡口音。
李元玲係鋼琴家李雲迪徒弟，曾經喺香港演藝圈發展，曾參演電影《愛瘋狂》、《盂蘭神功》、《辣警霸王花》等。
李元玲instagram：https://www.instagram.com/cathrynli
想知道更多有關港語學嘅資訊？請立即訂閱港語學telegram channel同Instagram，跟貼廣東話最新消息！
Telegram：https://t.me/gongjyuhok
Instagram：https://instagram.com/gongjyuhok/