學足 73 年 董建華:「我係上海人,用廣東話講錯嘢大家唔好笑我!」

全國政協副主席董建華、梁振英今日召開「香港再出發大聯盟」發佈會,但喺董建華發言之前,佢事先聲明由於自己係上海人,如果他用廣東話講錯話,「請大家唔好笑我」;及後董建華全程即答非所問,被記者批評迴避社會問題。

發佈會上,記者問董建華喺2014年成立「團結香港基金」試圖解決「佔中」運動後,香港爆發比佔中更激烈的「反修例」運動,會否擔心香港稍後會爆發更嚴重嘅社會運動時,董建華只回答,「團結香港基金」過去見過很多人,不少人都願意為香港和國家做事,被傳媒批評答非所問。

董建華又被問到如何評價林鄭令警民關係跌至低點時,佢由英國工業革命講到美國中產階級興起,但就全程拒絕評價林鄭表現。

董建華又自嘲:「我自己覺得我廣東話唔錯,(但)我屋企啲細路哥個個都話我廣東話唔得嘅。」

董建華記者會上不時除罩飲水,發言亦一度忘記戴口罩。

本港「兩文三語」政策係董建華首屆特首任期內提出嘅首項政策,提倡香港人要學好廣東話、英文同普通話;但先係「兩文三語」政策提出廿幾年來,始作俑者董建華先首次承認自己都冇貫徹政策咁好好學習廣東話。

董建華1937年生於上海,10歲時隨父來到香港,曾就讀左派、廣東話教學嘅中華中學,估計接受廣東話教育至今已經學足73年。

雖然居住香港已經70多年,但時至今日,董建華一直都係以「上海人」而非「香港人」自居。

 

想知道更多有關港語學嘅資訊?請立即訂閱港語學telegram channel同Instagram,跟貼廣東話最新消息!

Telegram:https://t.me/gongjyuhok

Instagram:https://instagram.com/gongjyuhok/