香港中文大學一個基因同廣東話聲調感知能力關係嘅研究發現，講廣東話嘅能力原來同我哋嘅基因有關，有ASPM基因嘅人，喺廣東話聲調感知方面表現較理想，而非呢種基因型人或可透過音樂訓練改善相關能力。研究成果已刊登在國際期刊《科學進展》（Science Advances）。
研究由中大語言學及現代語言系、大腦與認知研究所所長黃俊文講座教授帶領嘅團隊進行。2015年起，團隊招募超過400名以廣東話為母語人士參與研究。結果顯示，約7成測試者嘅ASPM基因攜帶一對等位基因T，即「基因型TT」，佢哋具有較高嘅廣東話聲調感知能力。約3成測試者屬於其他基因型，佢哋喺廣東話聲調方面表現較差。
另外，研究亦顯示「基因型TT」喺各種測試行為中，只與廣東話聲調表現有關聯。至於其他與腦生長和語言相關的基因，則與廣東話聲調表現無關。
研究又話，由於大部分中國人嘅ASPM基因屬於「基因型TT」，因此佢哋傾向喺漢語中採用詞彙聲調，同時亦令呢種特性喺語言演化過程中得以採用同保留。同時，音樂經驗似乎能改善聲調感知能力，屬於「基因型TT」嘅測試者，無論曾否接受過音樂訓練，佢哋喺聲調感知測試中嘅表現同樣理想。
黃俊文指出，研究表明適當嘅干預，例如音樂訓練，可改善人們對聲調感知嘅表現。研究ASPM基因篩查可能可及早識別語言障礙疾病，以及進行早期干預的臨床標誌，及早進行治療。不過，仍需要更多嘅評估才能支持相關結論。
想知道更多有關港語學嘅資訊？請立即訂閱港語學telegram channel同Instagram，跟貼廣東話最新消息！
Telegram：https://t.me/gongjyuhok
Instagram：https://instagram.com/gongjyuhok/