武漢肺炎令四成半非本地大學生感到孤獨

嶺南大學研究生院公佈最新一項有關世界各地嘅國際或非本地大學生調查,就武漢肺炎疫情對其身心健康影響嘅問卷調查結果,發現近九成受訪者認為佢嘅學習受到中等至極大程度既影響,多過七成人表示感到憂慮,四成半人有孤獨感。研究團隊建議高等院校應用更具創意同有效嘅方式,支援國際學生渡過艱難時期。

嶺大研究生院喺今年4 月12 日至5 月1 日以網上問卷訪問咗583 名來自非洲、亞洲、澳洲、歐洲、北美同南美洲,喺26 個國家或地區攻讀嘅國際或非本地大學生,其中46%係研究式課程研究生。喺調查進行期間,61%依然身處喺留學嘅國家及地區。結果顯示,大概七成半受訪者表示喺社交媒體及新媒體獲取有關武漢肺炎嘅資訊。大約七成人表示憂慮,因為大多數受訪者喺自己國家實施封鎖措施後仍身處海外,遠離家鄉,佢地都擔心喺遠方家人嘅安全,擔憂加上需要採取減少社交接觸等既防疫措施,導致四成半受訪者感到孤獨。學術方面,接近九成受訪學生認為武漢肺炎已嚴重擾亂佢地嘅學術活動,近八成半人希望可以返就讀嘅院校上堂。

領導研究嘅嶺大副校長暨研究生院長莫家豪教授指出,大多數學生依賴社交媒體取得武漢肺炎嘅情況令人憂慮,因為呢類信息可能係跨張失實,失實資訊可能係學生感到憂慮嘅源頭。高等教育院校必須用更有創意既方式黎支援學生渡過呢段艱難時期,除咗電子郵件外,可以製作手機應用程式,同學生保持聯繫、提供疫情同醫療資訊等。

資料來源:https://topick.hket.com/article/2663774/【新冠肺炎】留學生學習活動嚴重受阻%E3%80%80近7成人感憂慮

 

想知道更多有關港語學嘅資訊?請立即訂閱港語學telegram channel同Instagram,跟貼廣東話最新消息!

Telegram:https://t.me/gongjyuhok

Instagram:https://instagram.com/gongjyuhok/

Twitter:https://t.co/gongjyuhok