日本youtuber 秋山燿平最近分享咗佢學習兩個月廣東話嘅感想同點令佢廣東話快速進步既原因,開始個陣好需要鼓勵,好多時會唔小心將唔字講咗做粗口,比人笑個陣令到佢好灰心,同埋要多啲鼓勵外國人學習講廣東話,唔好再見外國人學廣東話,就話廣東話好難學!

秋山燿平覺得廣東話發音好難同埋好難改進發音,會令人想放棄,尤其係當好努力學習個陣,都會有將廣東話唔覺意講成粗口嘅情況,導致比人笑,令佢覺得永遠學唔識講廣東話。係佢學過十種語言入面,秋山燿平認為廣東話係世界上發音最難嘅語言之一。

秋山燿平覺得廣東話同日文有唔少相似,開始學個陣佢係用普通話學廣東話,所以個陣時無發現到廣東話同日文有好多發音參唔多嘅字,而且日文入面都保留咗入聲既痕跡,所以可以用日文推斷廣東話發音係點,秋山燿平發現咗呢點個陣,佢嘅廣東話口語進步咗唔少。秋山燿平都已經出咗片講廣東話同日文相似程度。

第三用廣東話做母語嘅人對廣東話有特別嘅感情,當秋山燿平用廣東話出片個陣,佢收到好多鼓勵,有好多網民多謝佢學習自己母語同推廣廣東話,呢種情況係佢學其他語言個陣係無發生過,雖然用廣東話做母語嘅人希望有更多外國人學習廣東話,但成日好「趕客」咁講「廣東話好難學」,令到外國人聽到更專注學普通話唔想學廣東話,所以應該比多啲鼓勵比學習緊廣東話嘅人,令到更多人想學廣東話

秋山燿平亦都分都分享咗係學習新語言嘅要訣,就係唔好怕同人交流,佢學咗兩個禮拜已經拍片公開,一個月就已經拍片用廣東話做日文學習嘅片,開始個陣用尷尬嘅廣東話拍片,透過同網民留言嘅互動,佢知道自己廣東話到咗咩程度,當中嘅鼓勵說話令佢有學習廣東話嘅動力,佢一直堅持努力唔怕醜咁用廣東話拍片,就係呢個過程令佢進步神速,秋山燿平依家就算用廣東話直播兩個鐘都無問題。

雖然廣東話對外國人可能真係好難學,但真係唔好再講廣東話好難學,令到外國人只係專心學普通話,將廣東話發揚光大嘅未來就係靠我地!

參考資料:秋山燿平youtube Channel

 

想知道更多有關港語學嘅資訊?請立即訂閱港語學telegram channel同Instagram,跟貼廣東話最新消息!

Telegram:https://t.me/gongjyuhok

Instagram:https://instagram.com/gongjyuhok/

                           

作者介紹

Leave a Reply

avatar

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

  訂閱  
提示