Mozilla依家公開收集緊屬於香港人聲音，一齊創造識得講廣東話嘅機器啦！
想唔想機械人都識聽識講廣東話？去Mozilla嘅 Common Voice 計劃幫幫手，佢哋依家收集緊全球各地嘅真人發聲錄音，一方面用嚟製作佢哋嘅語音辨識系統，二嚟係可以公開畀人免費下載，自行開發語音辨識、機器對話等人工智能系統。
呢個計劃入面嘅語言，由收集句子、錄音、聆聽檢驗，都係由世界各地嘅網民自願幫忙，而Mozilla 就負責提供平台同埋技術支援。香港廣東話已經被列入其中一種被收集嘅語言，我哋需要大量嘅廣東話句子，多樣化嘅口音，但係我哋暫時淨係得 大約4粒鐘已經檢驗嘅錄音，數量遠遠未達到製作人工智能系統嘅要求，香港人，你哋願意幫手嗎？