你有無諗過，如果有一日你喺醫院入面聽到自己嘅族語，會唔會覺得非常親切？台灣高雄嘅小港區為咗尊重原住民族語言具有國家語言嘅地位，同時為求建構醫療院所原住民友善嘅語言環境，小港區嘅醫院會培訓院內嘅醫療人員，提供原住民族阿美族嘅語言課程，除咗協助推動原住民語之外，亦都象徵對區域內原住民提供友善嘅醫療環境。

今年喺政府通過《原住民族語言發展法》明訂原住民語為國家語言嘅第三年，小港醫院鄰近嘅區域大概有八千個原住民，院長郭昭宏表示，小港醫院喺二○一六年成立娜麓灣原住民老人日間關懷站，二○一八年更加得到總統蔡英文所頒發嘅最高榮譽特優獎，今年就爭取文化部推行語言多樣性嘅友善環境計畫，將會推動原住民友善醫療環境，而呢項計畫將會喺小港醫院重要嘅社會責任。

小港醫院將會先辦理院內員工原住民語言培訓嘅課程，邀請唔同部門嘅種子人員，同時邀請阿美族語老師教導佢地阿美族語，第一次教授嘅內容就會以原住民就醫常見語言為主。

語言作為一種地方文化，喺提高文化認同嘅方面擔當住重要角色，而且能夠有效地促成一個友善嘅社會環境。台灣政府懂得珍惜一個族群獨有嘅語言，實在喺難得。但反觀現時嘅香港，學子所用嘅語言已經漸漸變成普通話。廣東話又能夠生存幾耐呢？

 

－－－－－－－－－－－－－－－

想知道更多有關港語學嘅資訊？請立即訂閱港語學telegram channel同Instagram，跟貼廣東話最新消息！

Telegram：https://t.me/gongjyuhok

Instagram：https://instagram.com/gongjyuhok/

Twitter:https://t.co/gongjyuhok