愛廣東話河國榮正籌備YouTube channel

入行33年嘅河國榮自從1987年由澳洲來港發展演藝事業後一直定居喺香港,係圈中鮮有操流利廣東話嘅「鬼佬」演員而為人所熟識。不過河國榮近年經常陷於困境。河國榮喺2017年因為患上基底細胞癌以及心律不正之外,一直要為自己嘅病情藥費而奔波,近月佢又要面對收養多年嘅愛犬QQ患上骨癌,需要鉅額醫治費,再加上受武漢肺炎疫情影響,河國榮已停工近半年,財政陷入困境,已經欠朋友同卡數超過80萬。

現年54歲嘅河國榮來自澳洲昆士蘭,喺大學時遇上一名香港留學生,機緣巧合下愛上香港粵語流行曲文化,偶像係張國榮。後來河國榮決心離開澳洲,隻身黎港追演藝夢,喺香港住咗超過三十年,講得一口流利廣東話嘅佢,視自己喺「香港仔」,河國榮加入TVB多年,演過唔少外國人角色,但卻始終未能擔當主角。喺2008年離開TVB,之後陸續演出舞台劇,接拍廣告,機緣巧合跟周潤發去荷里活教周潤發英語。2016年喺毛記電視《十大勁歌金曲分獎典禮》演唱二創歌曲《亞視永恆》,令人氣急升。

面對自己同愛犬嘅龐大醫藥費,加上停工零收入,河國榮早前接受傳媒訪問時坦認現時約欠下朋友及卡數超過80萬,並表示情況並唔樂觀。為咗改善生計,河國榮正籌備開創個人YouTube頻道,內容主要係討論音樂。河國榮抱著樂觀積極心態無放底過夢想,表示如果中咗中六合彩,會比錢給美國一間語言公司設計一個廣東話課程,保留廣東話傳統。同時希望有日可以出音樂作品,擁有屬於自己嘅藝術工作。

資料來源:https://topick.hket.com/article/2669014/【柳暗花明】河國榮歷重病兼逢愛犬患癌%E3%80%80疫情停工欠80萬巨債陷入困境

想知道更多有關港語學嘅資訊?請立即訂閱港語學telegram channel同Instagram,跟貼廣東話最新消息!

Telegram:https://t.me/gongjyuhok

Instagram:https://instagram.com/gongjyuhok/