日前香島學生築成人鏈,抗議學校鐵腕解僱藝術科主任李老師及另一名體育老師。早前香島中學本土關注組披露李老師因學生於音樂科考試「自由演奏環節」表演《願榮光歸香港》;及後學生接受中大電台訪問又透露,原來體育老師係因為「要求上堂講廣東話」俾香島中學解僱。

同學話嗰位老師都因為學校嘅政治打壓而不獲續約,因為佢曾經上堂要求同學盡量講廣東話而唔好講普通話,因此俾大陸學生討厭同佢哋家長投訴,可見老師被解僱係同大陸學生嘅投訴有關。

港語學成員李志宏一直關注學校老師教學語言權利嘅情況。

沙田區議員、港語學發言人李志宏認為事態嚴重:「簡直離晒大譜!」因為香港學校體育堂嘅教學語言理所當然係廣東話,老師要求學生使用本地語言溝通係理所當然,但竟然因此被解僱,反映香島中學嘅行政手段鐵腕冷血。佢指,一味遷就大陸學生,對本地學生唔公平,亦無助大陸學生融入社會同埋建立健全嘅人格。

同學指出,傳統左派學校「校董會同副校都係共產黨人」,校方更排斥香港人,「當香港人係垃圾」,傾向收取大陸學生,班上40人只有5個香港學生,明言「第一年入嚟讀已經後悔」。

港語學

                           

作者介紹

Leave a Reply

avatar

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

  訂閱  
提示