中共再修改教科書 內容「左到極端,假到離譜」  

中共當局近期狂轟香港嘅教育制度,將近年發生一系列嘅社會抗議事件歸咎喺「教育失當」,帶有強迫香港改弦易轍修改教科書,同北京睇齊之勢。中共教育部近期下令,要求內地中小學從今年9月新學期開始,採用修訂過嘅教材,特別係思想政治、語文同歷史教科書,須「嚴格遵照執行」。有學者直指中共修改過嘅教科書,其政治觀同歷史觀「左到極端,假到離譜」,若香港教育被迫跟隨,勢將禍害無窮。

教育部上周公佈「2020年中小學教學用書目錄的通知」就話,教育部組織編寫的中小學道德、法治、語文、歷史等教材已通過審核,從新學期開始,中小學國家課程必須使用統編教材;各地「要高度重視,嚴格執行」。對未按規定選用、使用教材的地方同埋學校「要嚴肅處理,責令糾正」。

同時,教育部仲要求各大學全面推進「課程思政」建設,要將思想政治內容「有機融入」到唔同學科專業,貫穿喺課堂授課、教學研討各環節,達到「潤物無聲嘅育人效果」,形容該舉措「影響甚至決定着接班人問題,影響甚至決定國家長治久安,影響甚至決定咗民族復興和國家崛起」。

由2018年起,教育部開始重新審視修改中小學教科書,舊年9月開始喺部份省市試用,因修改後嘅教材內容更左,例如語文教材,大幅增加反映「中共革命傳統和革命精神」嘅作品,謳歌中共領袖嘅「豐功偉績」,讚頌中共革命英雄人物,以激發學生「熱愛中共、熱愛祖國」嘅情感。其中,已故中共領袖毛澤東嘅詩文多達5篇。

更有甚者,由鄧小平主導、中共11屆六中全會以決議方式通過《關於建國以來黨的若干歷史問題的決議》,明確將文革定性為「一場浩劫和災難」,並明指這場災難是「由毛澤東錯誤發動和領導」,但修改後嘅教科書,將文革定位為中共喺歷史進程中一場「艱難的探索」,一句不提毛嘅錯誤。不但違背中共前朝嘅決議,更為今後美化導致幾百萬生靈塗炭嘅文革,留下了伏筆。

時事評論員劉銳紹話,習上台後喺校園不斷強推習思想,已陷入越嚟越空虛嘅境地。「中共治國手法大倒退,習近平毫不忌諱自己帶領中國走回頭路」。劉又補充,中共同樣隨意修改教科書,要通過洗腦嚟維持統治,反映中共所謂制度自信係假嘅,亦顯示習對自己未來保唔保得住帝位缺乏信心,同時反映中共對點樣保證過去幾十年喺歷史問題嘅造假不被人民揭穿、導致江山崩潰,完全失措,無新辦法,只有靠傳統做法對國民強硬洗腦,「可以呃幾耐就幾耐」。

著名學者余英時指就話,「中國大陸由1949年到依家係無歷史嘅,有啲『歷史』都是假歷史,係為咗政治宣傳而造出嚟嘅偽歷史。要揭穿偽歷史,只有將來學術完全自由後,先有可能。」

六四異見人士王丹表示,「中共統治下,有太多的歷史真相被掩埋咗。(大陸)整個中國現代史,將來都會重寫。」曾任北京中學歷史教師的袁騰飛曾指,「中共歷史教科書真實率低於5%」。復旦大學退休教授、全國政協前委員葛劍雄教授就話,「歷史喺中國仲係政治工具」。

資料來源:https://hk.appledaily.com/china/20200616/G23TQXDXZUZ6AW7LQS6YA5A5QM/

港語學

                           

作者介紹

Leave a Reply

avatar

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

  訂閱  
提示