齊齊講粵語 日後更吃香

20年07月06號 ✍ 💡 文集

移民去邊,最近成為咗香港人嘅熱門議題,而英國更加係大熱。佢哋考慮移民嘅時候,往往面對住一個問題:去到英國應該點生存?香港人才就多啦,但能唔能夠喺嗰度發光發亮,相信都係一種挑戰。然而,香港人大多數識得兩文三語,尤其喺廣東話加成下,更加係具備優勢。

喺英國一啲求職網站入面,如果輸入cantonese或者mandarin,就會發現好多工作都要求員工識得流利嘅中文讀寫能力,以及粵語口語能力嘅工作,涵蓋範疇都好廣泛。蘋果新聞編輯曾經瀏覽英國求職網站,發現英國對會計師、律師助理、數據分析師、客戶服務、市場行銷、客戶管理等職業需求頗大,當中亦都不乏薪金好嘅崗位可供應徵。

學術文章有顯示,喺倫敦搵工,方言比主要語言更具優勢,而佢哋亦將粵語歸類為方言。由此可見,如果你識得粵語,其實會比剩係識普通話更吃香。

除此之外,英國職場對亞洲市場、文化嘅認知相對模糊,基本上認為日本、韓國以及中國等地其實並無分別,甚至語言都係一致。但香港人經常喺亞洲各地旅行,成長中都吸收唔少亞洲文化,對亞洲嘅理解相對完整同成熟,亦都了解唔同國家嘅文化差異。呢種現象,對於主打亞洲市場嘅企業,無異起咗好大作用。當然,護理、金融、法律、科技呢啲專業領域,英國亦需求甚大。而香港正正培育咗好多呢方面嘅人才、專業人士。

香港人本身就有好多優勢,加上有粵語嘅加持,點會無出頭天?

---------------
想知道更多有關港語學嘅資訊?請立即訂閱港語學telegram channel同Instagram,跟貼廣東話最新消息!
Telegram:https://t.me/gongjyuhok
Instagram:https://instagram.com/gongjyuhok/
Twitter:https://twitter.com/gongjyuhok

                           

作者介紹

Leave a Reply

avatar

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

  訂閱  
提示