廣東歌聽得多,有關嘅展覽你又睇過未?港語學將會喺十月舉辦全港首個廣東歌歷史展「『油』然懷舊粵語歌唱日」,漫談廣東歌由三十年代「新體歌」、電影歌曲到六、七十年代影視歌創作,研究內容基於資深中文歌曲評論人黃志華先生嘅研究,相當紮實;同場加映歌手迪子以改編懷舊歌為題嘅友情演出,新舊交融擦出新火花!鍾意廣東歌嘅你切勿錯過!

展覽內容以黃志華老師研究著作《原創。先鋒——粵曲人的流行曲調創作》為基礎,輔以當時史料,全面探討三十年代至七十年代香港粵語流行曲嘅發展同演變,由三十年代嘅新體歌與電影歌曲、四十年代國粵語歌之分、五十年代粵語時代曲正式登場、六十年代粵語歌低潮至到七十年代粵語歌嘅振興,對廣東歌愛好者極具參考價值,更加係愛好香港文化嘅人不可不知嘅文化歷史。

全晚壓軸特別邀請到唱作歌手迪子,精選十首懷舊廣東歌重新編曲演唱,喺經典廣東歌玩出新意思。屆時仲會有現場直播,廣東歌迷不容錯過!

港語學主席陳樂行特別感謝油尖旺區議會贊助今次計劃:「雖然唔係一個大型展覽,但可以喺油尖旺呢個承載咁多廣東歌文化嘅地方舉行,都別具歷史意義。今次仲有幸請來迪子友情演出,希望為廣東歌文化擦出一啲新火花!」

---------------

歡迎訂閱港語學文化頻道,每個月只需$38,持續支持港語學運作,全力為粵語文化事業打拼!
訂閱連結:https://www.penana.com/user/80736/
---------------
Penana:https://www.penana.com/user/80736
Telegram:https://t.me/gongjyuhok
Instagram:https://instagram.com/gongjyuhok/
Twitter:https://twitter.com/gongjyuhok

港語學

                           

作者介紹

Leave a Reply

avatar

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

  訂閱  
提示