灣仔區議會屬下社區建設及房屋事務委員會今日開會，以大多數決通過撥款合辦「灣仔故事廣東話徵文比賽」，成為第三個支持粵語文學嘅區議會。

陳樂行對灣仔區議會嘅支持深表感謝。佢表示，喺灣仔發展廣東話文學活動別具意義：「黃碧雲嘅《烈佬傳》就係小說形式嘅地方誌，證明粵語係可以做到地道而具感染力嘅文學語言，希望灣仔粵語文學呢種文化可以傳承落去。」

佢話會喺十月尾舉辦講座，等參加者深入了解粵語文學嘅特色。受疫情影響，講座或會喺網上舉行。