蒙古南部各地發起廣泛大規模非暴力嘅公民抗命,抗議中國中央政府計劃用漢語作為唯一嘅教學語言來代替蒙古話,而蒙古學生就喺學校發起抗爭,抵制語言打壓。其中,數百名學生穿著校服,聚集喺通遼蒙古中學(蒙古南部最大嘅蒙古學校之一)門口,高聲哭泣:「我哋嘅母語係蒙古話。直到死亡,我哋都係蒙古人!」

原文——南蒙古人權訊息中心: Middle-schooler jumps to death from school building amid escalating protests

事緣8月30日晚上,來自霍欽(Horchin)蒙古中學嘅一名蒙古學生喺大樓跳下身亡。就影片所見,一輛救傷車匆匆駛離抗議現場,將憤怒嘅抗議者拋喺後面。

喺其他學校,有學生衝破警察嘅路障,離開咗校園,與抗議嘅父母用蒙古話高叫「呢啲就係蒙古人!」

政府官員、教育局官員、甚至一啲蒙古族警察都拒絕執行命令。Bairin Right Banner嘅報告證實,Banner嘅警察中幾乎有一半係蒙古人,佢哋拒絕逮捕示威者或參加任何官方嘅宣傳活動。

蒙古南部嘅藝術家、樂隊同足球隊發出聯合聲明,抗議2020年9月1日生效嘅新語言政策。佢哋用帶有紅色指紋多彩簽名同姓名嘅聯署表格,成為咗喺社交媒體嘅新抗爭方式。

蒙古吟遊詩人亦呼籲所有蒙古人反對呢項新政策,因為咁樣先可以挽救佢哋嘅語言和整個蒙古民族。一個詩人喺短片吟唱話:「蒙古話係我哋幾萬年嘅母語,蒙古人點會接受中文係母語?」並譴責當局使用「煽動性」標籤鎮壓抗議活動。

海外南方蒙古人聚集喺中國駐歐美、日本領使館前面抗議,蒙古國嘅公民計劃喺中國駐烏蘭巴託大使館前進行大規模抗議活動,聲援佢哋喺蒙古南部嘅蒙古兄弟姐妹。

港語學

                           

作者介紹

1
Leave a Reply

avatar
1 評論
0 回應評論
0 追蹤者
 
矚目評論
熱烈討論
1 評論者
So so 最近評論者

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

  訂閱  
最新 最舊 最多人投票
提示
So so
訪客
So so

與天鬥,與地鬥,與全人類鬥,其樂無窮