早前已有風聲指考評局將會取消口試，果然屬實。考評局今日（9月1號）正式公布，將取消中、英文科口試；來年中文科閱讀卷文言閱讀篇章部分，唔會考核《岳陽樓記》及《六國論》兩篇範文。

秘書長蘇國生解釋指，因見剛升中六生在過去一年未有時間作準備，因此情況不理想，與期到尾先決定，不如讓老師及學生及早釋放學習空間。評核發展主管温德榮亦指取消口試考慮小組討論環節，疫情下難以進行，舉辦考試需平衡安全。

李志宏：借機取消 不利廣東話教育

港語學發言人李志宏指政府近年已經不斷放風指會取消口試，憂慮大有可能以疫情為口實，從此正式全面廢除口試卷：「到時楊潤雄出嚟話取消咗兩年口試都唔係咁大影響啫，絕對可以完全廢除中文口試。」

李志宏引用學者歐陽偉豪 所講：「香港文憑試是國際性的考試 ，確立以廣東話為主的中文口試一個國際地位。口試卷即將取消，意味廣東話失去某程度的國際地位。」佢指如果口試取消，就係令到廣東話無法透過DSE接軌國際認可嘅學歷體制後，政府下一步就會係大力貶抑廣東話為落後嘅地區方言，全面壓縮廣東話嘅生存空間。