有唔願透露姓名嘅蒙古警察向《洛杉磯時報》透露,當地嘅公安加班捉拿抗議取消蒙古語教學嘅人。

公安會衝入蒙古人嘅住所,要佢哋簽紙唔反對教育政策,否則就會被拘留同列入監控名單。

佢話被捕者包括大肚婆同學生,如果被標記為關鍵人物仲會被終身監視。

呢位警察話,佢拒絕參與鎮壓,好多家有學童嘅蒙古警察連工都唔返。

「我係蒙古人,我唔會拉蒙古人。拘捕捍衛母語嘅人根本冇法理依據,我想做人有返自己嘅原則。」

今年九月一號起,因為中國喺內蒙古推行取消原本蒙古話教學嘅所謂「雙語教育」,蒙古人發起捍衛母語嘅罷課運動,超過30萬學生響應,而當局採取高壓手段回應。

至今已經有超過300名蒙古市民被以「尋釁滋事罪」通緝。

網絡流出片段,過千蒙古學生同家長聚集喺學校門口,高呼:「蒙古話係我哋嘅母語,就算死我哋都係蒙古人。」

各地爆發罷課同遊行示威等不合作運動。

公安局派警察到學校鎮壓,亦威脅蒙古籍老師同官員帶子女返學。至今已經有4個人不堪苦苦相逼自殺身亡。

外媒採訪內蒙情況亦遇上暴力對待。

《洛杉機時報》北京分社社長Alice Su喺一所學校採訪,表明係合法採訪後仍然俾便衣警員包圍。

佢哋將Alice塞入警車帶到派出所盤問,期間唔俾佢聯絡美國大使館,又用雙手勒住佢喉嚨,之後就被強行帶到火車站逼佢搭車返北京。

資料來源:《洛杉機時報》

港語學

                           

作者介紹

Leave a Reply

avatar

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

  訂閱  
提示