為抗議中國取消蒙古語教學政策,內蒙嘅蒙古人繼續非暴力公民抗命。為咗打壓罷課運動,當局開始禁錮學生強逼佢哋上堂,有蒙古學生不惜爬3米鐵絲網參與罷課。9月9號喺錫林郭勒盟就有超過30名蒙古中二、中三學生逃離正藍旗中學。

根據父母同目擊者嘅記錄,呢批蒙古學生都係政府官員、中共黨員同老師嘅小朋友,正因為咁先俾人強行捉入學校。經過當地警察、學校同家長全面搜查後,先喺班納首府附近嘅一座山發現佢哋。有位家長感歎話 :「佢哋連三米高嘅鐵絲網都諗辦法爬上去走甩。學生有自己嘅思想,圍欄係唔會令佢哋放棄抵抗!」

另一個家長喺錄音話:「有啲被強迫返學嘅小一學生唔肯同父母傾偈,由朝喊到晚,表現得好憂鬱。唔該教育部同學校一定要停止虐待呢啲年輕嘅心靈同諗法,佢哋受緊嘅心理創傷會困擾佢哋成世!」

當局「停職、解僱、中止福利」嘅手段威脅唔到蒙古公務員,但都繼續一次又一次咁通告解僱嘅蒙古公務員同老師嘅名單,只係因為佢哋唔肯送小朋友去返學。同來進行恐嚇無效,但當局仍在發布官方通告,一次又一次地公佈被解僱的蒙古官員,公務員和教師的姓名和頭銜。因為他們拒絕把孩子送回學校。

為咗盡力招收學生,內蒙政府臨時請咗大批社工,說服父母將孩子送回學校。因為恐嚇已經冇用,有啲官員仲拎啲禮物同少少錢出嚟氹啲家長送小朋友返學。有蒙古家長就一路拍片一路鬧呢班社工「離開我屋企,唔好再過來!我哋係唔會收。」佢拒絕咗社工意圖送畀佢嘅所有嘢。另一個家長拍片話:「佢哋收緊簽名,又送番梘同洗衣粉,諗住可以搵多啲人簽。」

仲有啲片段話蒙古人簽名俾人剪剪貼貼,因為當地官員要呃上面話新嘅教育政策都有蒙古人支持。「你睇到我哋請願抗議新教育政策嘅簽名,居然會俾人剪貼做送去中央政府嘅文件,變成蒙古人支持新『雙語教育』嘅證據!」有啲學校入面已經俾人清走蒙古語嘅指示牌同標語牌。儘管蒙古語仍然係兩種官方語言之一,但蒙古語喺巴士嘅標誌被剷走,蒙古特色嘅路邊畫被刪除。

雖然當局用逮捕、拘留、監禁、停職、炒魷、將子女列入黑名單、削減社會福利甚至沒收財產嘅手段威脅蒙古人,但最近仍然有好多片證明蒙古學校仍然空無一人——罷課依然繼續緊。

世界各地嘅蒙古人仲更加團結起來捍衛母語。兩日之內,超過50,000人喺白宮簽署「We People」請願書,敦促特朗普政府更加關注呢一場文化清洗:

立即聯署

https://petitions.whitehouse.gov/petition/stop-ccps-cultural-genocide-inner-mongolia

港語學

                           

作者介紹

Leave a Reply

avatar

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

  訂閱  
提示