中國內蒙古自治區教育局取消蒙古話教學,遭到蒙古族學生罷課抗議,抗爭仍然持續。中國當局一不做二不休,今年再伸爪染指朝鮮族嘅教育政策。中國朝鮮族學校本學期起要用漢語教材取代朝鮮語,喺朝鮮族人引起騷動。有評論認為,隨住習近平政府強調「民族團結教育」,朝鮮語教學唔單止萎縮,仲岌岌可危。

自9月新學期開始,遼寧省等中國東北地區嘅部分朝鮮族小學同初中,將使用中國人民教育出版社編寫嘅《語文》教材,代替延邊教育出版社編寫巳嘅《漢語》教材。喺新政策實行之前,中國少數民族學校畢嬲都係用返民族母語編寫教材。

有鑒於蒙古話被強打硬壓,朝鮮族群亦擔憂朝鮮語教育嘅傳承斷纜。佢哋擔心長遠高考朝鮮話考試可能會被取消。根據中國少數民族平等政策,少數民族學校嘅學生可以用自己嘅民族語言考高考。但如果由小學開始用漢語一樣嘅標準教材,高考亦隨之統一,最終將導致中學嘅朝鮮族教育大幅萎縮。

據《朝鮮日報》報道,中國境內朝鮮族人數約為183萬人(2010年資料),但朝鮮族集中居住的東北三省朝鮮族學校今年嘅高考考生數約為2千幾人。據遼寧省朝鮮族地區報紙《遼寧朝鮮文報》報導稱,2010年,遼寧省朝鮮族學校嘅高考考生數為1026人,但今年減少到514人。而且,2023年開始,朝鮮族等少數民族考生嘅加分項(目前為5分)將被取消。

該報導引據分析認為,朝鮮族、蒙古族學校更換教材係中國中央政府「民族團結教育」政策嘅延伸。舊年9月,習近平喺全國民族團結進步表彰大會上發表演講時話:「中華民族一家親,同心共築中國夢。」

之前,內蒙古教育廳於8月26日宣布,今年秋季學期起,全區民族語言授課學校小學一年級和初中一年級將使用人民教育出版社嘅《語文》教材。此外,2021年開始《道德與法治》,2022年開始《歷史》都將使用統編教材和國家通用語言文字授課。對此,蒙古族家長同學生甚至罷課抗議。

#朝鮮族 #朝鮮語 #蒙古語 #捍衛母語運動

港語學

                           

作者介紹

Leave a Reply

avatar

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

  訂閱  
提示