香港大學護理學院「護理學學士」(JS6468)係DSE考生嘅熱門課程,上年組別A報讀人數達1139。學院表示,有意報讀嘅學生,除DSE成績要符合要求外,仲要識講流利廣東話,以符合現實環境醫護與病人保持良好溝通嘅需要,所以,面試表現亦係取錄嘅關鍵。

港大護理學學士(全日制)課程總監、副教授黃婉霞博士指出,目前本港及外國嘅醫護人員長期短缺,加上疫情影響,人手需求殷切,報讀人數近年趨增,畢業生不愁出路,該學院由1995年開辦至今,學生就業率接近百分百,預料未來10年,護士行業依然搶手。

黃博士坦言,護士專業有一定要求,學生必須成功完成5年學士課程、校內考試及格才可註冊成為正式護士。佢估計,港大新學年護理學嘅最低入學成績,DSE最佳5科需達23分或以上,文理科生均可選讀。「護理學課程,文科生固可報讀,且有優勢。文科生喺同人接觸、溝通和相處方面,較為優勝。護理與修讀醫科有啲唔同,學生非必須修讀物理、化學及生物科,若無讀生物科嘅同學,學院特設增潤課程,肯讀就可以補足喇。」

模擬教學中心 訓練應變能力
該學院着重Problem-based learning,會以不同方法教授學生,為了讓學生了解實際處境,令佢哋識得點樣喺現實世界中處理病人情況,特別設有模擬教學中心供學生實習,內設病房、病牀、模擬2病人等。學生喺學習過程中,老師會喺控制室(control room)觀察學生嘅情况同控制模擬病人。

 

港大護理JUPAS熱門課程 通粵語兼面試出色取錄關鍵

港大護理JUPAS熱門課程 通粵語兼面試出色取錄關鍵
為貼近現實,模擬環境唔會俾學生一帆風順,「我哋加設唔同嘅現實可能發生嘅情况,測試同學同訓練佢哋嘅敏感度,例如我們會俾一個病人突然變成唔夠氧分、血壓低,同學要有即時反應,佢哋需要識得處理,如果佢哋處理唔好,喺模擬環境中嘅病人會死亡。又如部分病人有藥物敏感,我哋會加咗某啲致敏藥物,從而提升同學嘅狀態意識(Situation awareness)。為增加逼真度,學院更會邀請一啲社區退休人士扮演病人,呢啲病人會模擬現實情况,做一啲突發事故以考驗學生嘅反應,睇佢哋係咪識得處理。」

港語學

                           

作者介紹

Leave a Reply

avatar

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

  訂閱  
提示