澳門教育暨青年局近日透過「內地優秀教師來澳計劃」以公務員身分聘任廿七人,喺澳門惹起熱議,被指係空降大陸老師影響澳門老師發展。澳門立法會議員蘇嘉豪就喺立法會上質疑,呢一批老師唔熟廣東話同澳門教育環境,權責不清,本地又無從把關,成效成疑,變相亦擠壓本地教師嘅發展空間。
蘇嘉豪指,政府應藉爭議徹底檢討同暫緩執行「內地優秀教師來澳交流計劃」。因為計劃從無釐清「內師」與本地教師之間嘅權責關係,計劃對教學本地化進程造成影響,特別係不少教師反映「內師」唔識粵語,更唔熟悉本地教育文化、制度和環境,影響校本課程同教材嘅在地化工作。
蘇嘉豪- 维基百科,自由的百科全书
澳門立法會議員蘇嘉豪
佢又指,本地亦有相當多資深嘅優秀教師,政府和學校應該多加善用「以老帶新」,既能切合教學本地化原則,亦可一定程度填補專業化和經驗嘅不足。
社會文化司司長歐陽瑜回嶮指,教青局每年都會安排一批內地優秀教師來澳指導交流,輪派到不同學校工作,同本地教師交流語文、歷史、地理等科目教學。項目旨在提升本地教學水平,唔會直接為學生上課。有關嘅教師來澳一般一年至三年,之後就全部返回原居地,至今未有一位是三年後還繼續留澳。相關人工係由教青局支付。
歐陽瑜承認,政府喺此事發布上有改進空間,會為教青局補充說明更多資料,並研究用咩式可解釋清楚事件,令公眾釋疑。佢強調,有關聘任只係短期指導工作啫,「唔係話搶我哋本地教師飯碗,或者係令到我哋公務員無工做,完全唔係呢回事」。

港語學

                           

作者介紹

Leave a Reply

avatar

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

  訂閱  
提示