最近一條大陸抖音嘅影片喺香港各大社區平台流傳，當中女主角對白提到「香港的全名是中国香港……連普通話說的不標準，分手啦！」浮誇內容令人咋舌。但落選港姐陳紫芊竟然留言為條片護航，呼籲網民「其實是一個劇本而且大家沒必要太認真 我是香港人 沒有政治立場」，短短兩日已經遭到超過400名網友回應留言圍插，嚇得紫芊急急將ig帳戶轉至private。

由於紫芊同片中女主角同樣身材豐腴、濃妝同埋中間分界，加上無乜人識嘅陳紫芊無啦啦撲出嚟護航，唔少人都誤以為陳紫芊就係片中女主角，更加圍插。連登偵探後來就發現女主角其實係一個叫做「南南在香港」嘅抖音帳戶發佈，主角係「香港女孩」又稱「廣州女孩」嘅鍾曦南，另一個女model。

網民一於少理，義正詞嚴鬧過不停，「你見到咁嘅劇本都走去拍都有問題啦，阿香港人！」「點解你可以咁有勇氣衝出尼7😂😂😂😂硬系唔小唔鬆化😂」「劇本？wow！你啲劇本真係又廢又垃圾又嘔心啊，唔撚鐘意條仔唔識講普通話你使唔使勾到去要愛國啊？知唔知咁樣令人哋覺得好反感啊？仲有你叫乜撚嘢自己係香港人？學你話齋「香港的全称是中国香港」叫返你自己做中國香港人啦！講到我哋咁仆街咁」