Supper Moment網上演唱會 改唱普通話新歌 「搖滾叛徒」負評如潮

Supper Moment潛水接近一年後,終於浮出水面,昨晚舉行網上新歌發布會,將新專輯從未曝光的13首歌曲,率先在網上獻唱,其中三首係普通話新歌。但新舊歌迷就唔係好受落,紛紛表達對音樂同作風嘅失望,甚至有人撰文斥之為「搖滾叛徒」。


黃卓鵬《當蒼老的 Supper Moment 遇上革命 — 搖滾叛徒》一文得到近7000讀好

黃卓鵬喺立場新聞嘅評論文章《當蒼老的 Supper Moment 遇上革命 — 搖滾叛徒》就為音樂會帶來咗激烈嘅討論,佢喺文首就話:

「聽完呢場音樂會,同埋三首普通話新歌,我終於確定呢隊樂隊,再也唔係我地認識中嘅嗰隊 Supper Moment。」

「你地既然選擇唔會回應香港人身處嘅呢個時代,即係你亦唔需要香港樂壇呢個巿場,但同樣地,香港人亦唔再需要《無盡》,唔再需要Supper Moment殘留的軀殼。」

好多人睇到文章都大有同感,有網民都反問:「Indie 時的志氣去咗邊?鐵樹蘭時的搖滾精神去咗邊??繼killersoap rocky 後 又一奶共搖滾叛徒!!!」普遍都係一片失望之聲。


網友SevenTwoOneEightThreeOne喺Youtube嘅熱門留言就得到唔少樂迷共鳴:

作為Supper 的死忠粉絲,我今日聽咗個Concert 4次,我不諱言是十分失望。新歌是不但未能令人產生共鳴,我甚至不是太知道他們想表達什麼。可能Supper已經去了另一個境界,而我卻仍然希望他們能夠回到從前的他們。  」

「我不會説 Supper 有三首國語歌便說他們是奶共,而且他們也有台灣市場。但是他們在過去一年多的沉默確(不是「确」)是令人失望的。即使不能如Rubberband 或Kolor等高調,也可以表達一種對一整代香港年輕人的犠牲及香港失去前途的傷感,或像方皓玟的『All we have is now』,叫人活在當下。」

我對Supper 有太深的感情,我不會輕易放棄他們。我仍然會繼續支持他們,希望他們終有一天會再次成為代表我們一代的香港樂隊。我只是十分感觸,沒想到他們的光芒只是曇花一現。」

即使喺Youtube留言都有唔少樂迷反映失望


2013年 ,《Supper Moment世界變了樣演唱會》以反國教遊行作為開場,再加上喺反國教罷課大台一首《無盡》,嗰種不畏強權嘅精神簡直為香港搖滾樂隊樹立典範,「人生夢一場革命至蒼老」一句成為此後抗爭都會提到嘅鼓舞名句。
喺上年2019嘅時候,當香港唔同嘅搖滾樂隊都為反送中運動出聲,Supper Moment嘅沉默當時已經惹來唔少非議。但喺6月16號,主音Sunny都有post ig story,證明二百萬人遊行佢都有同香港人同行。

主音Sunny參與二百萬人遊行嘅 ig story

但之後Supper Moment就冇點表態出聲,甚至有人形容為潛水一年。樂隊之前接二連三喺大陸搞演唱會,又喺過往音樂節活動同林鄭月娥合照,再加上喺上年年底公布同深藍藝人楊千嬅合作出騷,令到唔少搖滾樂迷痛心失望。