蒙古教育廳嘅高層出現人事變動，內蒙古師範大學黨委書記黃雅麗，接替被突然免職嘅侯元，出任教育廳黨組書記，並提名出任教育廳廳長。

 

根據官方資料，新任教育廳黨組書記嘅黃雅麗，早喺1996年加入中國共產黨，喺蒙古師範大學完成大學及碩士學位後，再喺當地多間大學工作。及後喺2008年正式擔任內蒙古工業大學黨委委員、副校長；直至2015年開始擔任政黨要職，2015年擔任自治區婦聯黨組副書記、2016年呼和浩特市委常委及最近嘅2018年蒙古師範大學校黨委書記。

內蒙古近年硬推以普通話為主的教育政策，八月底嘅新政策，更要求當地以蒙古語講書嘅學校，喺新學期改用普通話講書教授。不過，蒙古人並冇逆來順受，作出一連串嘅反抗運動，包括聯署抗議，學生罷課示威等。然而府亦唔退讓，通緝學生同家長，威誘學生復學。抗議期間不時爆發警民衝突，甚至有蒙古官員、家長同學生自殺明志，堅拒高壓嘅推普政策。

相信呢一次嘅人事變動係為咗再進一步加強由今年9月開始嘅普通話教學，自治區政府將會以更強硬嘅手段滅絕屬於蒙古人嘅母語，或許會再牽起新一波嘅蒙古抗爭運動。