李文浩憂普教中令學童被歧視 反被指辱華

深水埗區議會社區事務委員會日前(26號)開會,深水埗區議員冼錦豪、黃傑朗、李文浩及劉家衡就提出議案,探討深水埗區「普教中」嘅情況,並質問教育局會點樣捍衛廣東話喺香港傳承。

                                                                                                                         (獨立媒體拍攝)

會議期間,李文浩議員對「普教中」政策的目的及對學生切身影響提出質疑。李指出執政者應該為其政策負上責任,質疑若執意推行普通話,點解唔係由政府帶頭規定公務員講普通話,而係先要小學生背棄原本講緊嘅語言,成為叛離母語嘅先群。

 

建制派議員劉佩玉就喺會議中批評李文浩係刻意「將教育同政治掛勾」,並非以學生嘅教育成效為大前提;劉更指斥李嘅言論具侮辱性,要求李「向全部中國人道歉」。另外,劉喺接受「港人港地」嘅電話訪問中再補充,國安局應「嚴正執法」,跟進李嘅言論,甚至應該要DQ佢嘅議員身份。

 

對於劉嘅指控,李文浩回覆本機構訪問時強調,講廣東話係香港人嘅身份象徵,香港社會嘅主流語言仍然係廣東話,呢個係毋庸置疑的事實。然而,普教中卻要逼使佢哋偏離大眾主流地去講普通話,導致香港學生喺社會被排斥、歧視。

 

至於「過街老鼠」嘅言論被批評為辱華,李文浩表示只係客觀咁陳述「中國人」喺國際社會嘅形象,該論述係出於擔心香港學生因講普通話而被社會(以至國際社會)唾棄。

0 0 votes
Article Rating