史丹福大學廣東話老師不獲續約 師生憂廣東話課程不繼 促校方理解粵語歷史角色及重要性

史丹福大學唯一嘅粵語講師不獲續約,因此粵語課程可能未能繼續舉辦。師生表示,裁員係好大嘅損失,亦都忽略咗史丹福大學嘅創校人曾經將廣東話華工邊緣化嘅歷史。

史丹福大學7月宣布大學有財政危機,將會炒208名員工同埋放30個人假,上個月公布新學年嘅預算削減一億美金。大學聲明表示,唔透露裁員嘅規模,但要同部分講師解約減輕財源短缺嘅影響。

張錫莉博士(Dr Sik Lee Dennig)喺92年起就開辦咗大學嘅粵語課程,教咗廣東話廿一年以上。張錫莉話,大學同佢講如果有足夠嘅學生,大學「希望」喺2021年秋季開返粵語課程,咁張博士就可以斷時薪計返嚟教書。

人文與科學學院嘅發言人莊禮頓(Joy Leighton)就話:「冇取消廣東話堂在內嘅任何語言課程,我哋係跟學生嘅需求開設課程。」張博士就話,每年有76名學生報讀廣東話班,秋季平均每班人數都有31個學生。

 

講師張錫莉博士本身係史丹福大學校友、開設廣東話課程超過21年

讀過廣東話課程嘅學生話,佢哋又痛惜又失望。 22歲嘅Ashley Phord-Toy表示:「真係令人沮喪。」佢補充話,喺學校學廣東話幫到佢同講廣東話嘅祖輩改善關係。史丹福大學連多種少數民族語言(例如南非荷蘭語同意第緒語)都有開課程,Phord-Toy表示應繼續為將來嘅學生教廣東話。佢補充說:「廣東話同其他民族語言一樣咁有價值。」

講廣東話嘅Caroline Ho 就覺得好遺憾:「聽到我非堂失望,好似俾人喺塊臉潑冷水咁。廣東話係完整嘅語言,值得自學同埋教學。」

雖然張錫莉老師喺香港長大,但佢母語係上海話,返上海探親嗰時就係咁同親戚溝通。佢話:「我完全理解我嘅學生對佢哋母語廣東話嘅感覺。」「同聲同氣令佢哋融入到社群。」

史丹福大學嘅粵語課程僅限會話,而其他大學嘅廣東話課程就發展迅速。楊百翰大學、哥倫比亞大學同紐約大學提供一年嘅入門課程。今年秋天,加州大學伯克利分校增加咗新嘅基礎同中級廣東話課程。

但喺史丹福大學,係學生好積極進取咁爭取粵語課程。張錫莉博士話,喺語文中心1997年開廣東話班之前,已學生請願聯署請願搞咗幾個月,開班第一日就有廿幾個學生報名,超出晒中心嘅期望。2006年秋季,再喺學生請願下,第一次同唯一一次引入15個單元、為期一年嘅粵語課程。但由於資金問題,個課程後來取消咗。

除2006-07學年外,粵語課程得會話同電影部分,滿足唔到大學嘅語言要求。喺2013年至2017年期間,語文中心唔俾學生通過參加廣東話嘅分班考試來滿足外語要求。

張鍚莉話:「我喺語文中心嘅同事好正,但我覺得啲人們唔了解廣東話地區幾多人用,亦都唔了解喺成個北美華人社區係有歷史作用。」佢同學生話,應該透過校園內嘅全日制廣東話課程來認識斯坦福大學成立以來廣東話美國人嘅歷史意義。

喺1860年代,大學創校人利蘭德·斯坦福(Leland Stanford)通過修建跨大陸鐵路的西部地區發達,起嗰時僱用數以千計華工,其中多數係講廣東話。

史丹福大學上年承認,萊蘭德·斯坦福曾經剝削同虐待華工。本科教育高級副教務長Gordon Chang就咁寫「在華裔美國人中流傳著一個問答:你知唔知點解史丹福大學屋頂嘅磚係紅色?」「答案係:因為佢哋沾滿了鐵路華工嘅鮮血,佢哋幫史丹福建造橫貫大陸嘅鐵路時死亡。」

張錫莉話:「大學有道義,將佢哋講嘅嘢(多元、包容、尊重歷史)付諸實行。」

 

 

原文:史丹福日報 Stanford cuts only Cantonese lecturing spot, putting future of program in doubt The Standford Daily