香港公開大學(不再公開)日前就改大學名一事公開咨詢學生及公眾意見,話想消除外界以為公大只提供遙距教育嘅誤解,亦又認為簡稱「開大」有不雅嘅詮釋。

不過即使有兩成學生喺公開大學早前嘅諮詢中反對改名,公大校方仍一意孤行。就喺今早出咗「更名啟事」,表示校名將由「香港公開大學」( The Open University of Hong Kong)正式改名為「香港都會大學」(Hong Kong Metropolitan University),簡稱HKMU。

日前喺公開咨詢嘅時候已經引起網民發揮創意,舉出「香港公開非只遙距大學」及「黃之鋒大學」等,咁當然唔少得最常聽到嘅「香港鯨魚大學」。不過可惜上述嘅建議未能得到校方嘅採納。

直至今日公開大學嘅新名終於隆重登場,網民就緊係「即刻駁嘴」。暫觀網上討論區,大部份都認為本來嘅校名「公開大學」比較好,表示唔明點解要突然改名,又話覺得個名似酒店、夜總會。另外,又有網民表示「都會」一詞帶有日本意味,而英文校名中嘅 「」則同英國幾間大學撞名,覺得都唔錯。

不過,改名一事已成定局,大家都係快啲習慣公開大學嘅新名喇,特別係公大(都大)嘅學生,盡快適應喇!

0 0 vote
Article Rating

港語學

                           

作者介紹

訂閱
提示
guest
0 Comments
Inline Feedbacks
View all comments