今年疫情四起，市民百感交雜，一言難盡；因此各地嘅年度漢字都成為關注，睇下各地點樣可以用一隻字表達到所思所感。各國漢字陸續出爐，日本係「密」，台灣、馬來西亞就揀「疫」，美國則係「抗」。

日本

由95年起發起年度漢字嘅傳統。「今年の漢字」係日本漢字能力檢定協會由1995年起，每年向日本全國徵集一個代表性漢字，用以表現該年世態及百姓嘅感受。

武漢肺炎喺日本及全球範圍內傳播，等好多人意識到「密」字（「避三『密』」，即避免「密閉」、「密集」、「密切接觸」）。人際交往提倡避免密接而產生咗線上方式帶來嘅另一種「密」接，俾人意識到人際交往嘅重要性。今年都係日本政壇同娛樂圈爆咗好多「秘密」嘅一年。

台灣

「台灣2020代表字大選」「疫 」字毫無懸念以壓到性勝利，喺66個候選字中拔得頭籌獲選為今年嘅年度代表字。

陳建仁前副總統話，「壟罩在百年大疫COVID-19的陰影下，死亡超過百萬，經濟嚴重衰退，瘟疫、防疫、疫苗成為整年的恐慌、試煉與盼望！」疾管署長周志浩就話，今年全世界生活都圍繞在「疫」這個字，面對疫情你我皆疫無反顧，疫不容辭。世界冠軍麵包師傅吳寶春就話，「今年因為疫情的關係，改變了世界，但是我們更不應該被打敗，要『疫』起努力、克服並改變未來、改變疫情。」

馬來西亞

馬來西亞採用全民投票嘅方式，年度漢字評選活動由生活在世界各地的馬來西亞籍人士投票選出，今年主辦方共收到實際有效投票12744票。經過統計，「疫」字以超過30%嘅得票率當選。

主辦方之一馬來西亞中華大會堂總會長吳添泉表示，由於新冠肺炎嘅影響，今年舉辦漢字評選活動十分不易，「疫」字嘅當選，亦反映新冠肺炎疫情對於馬來西亞，乃至全世界嘅影響。佢希望全世界人民團結起來，攜手抗疫，早日戰勝疫情，恢復世界本來嘅面貌。

 

美國

美國則係由2017年起Good Characters機構選出，揀「抗」字係因為該年美國人都係不斷咁「抗議」同埋「抗疫」，仲有疫情出現嘅關鍵詞「抗病毒」、「抵抗⼒」，以及美中關係同埋總統大選之間不斷「抗衡」。

 

附：維基百科各地年度漢字表

年份	日本	中國國內字	中國國際字	台灣	亞洲週刊	馬來西亞	新加坡	澳門	香港	美國	法國	備註
2020	密			疫		疫				抗		[1]
2019	令	穩	難	亂	破	騙	港	慶	/	亂	亂	[2][3][4][5][6]
2018	災	奮	退	翻	移	變	馬	粉	順	戰	變	[7][8][9][10][11]
2017	北	享	智	茫	智	路	恐	官	貴	狂		[12][13]
2016	金	規	變	苦	轉	貪	變	地	亂
2015	安	廉	恐	換	霾	苦	耀	跌	法
2014	税	法	失	黑	佔	航	亂	改	融
2013	輪	房	爭	假	逼	漲	霾	爆	和
2012	金	夢	衡	憂	驚	改	色	貴
2011	絆	控	債	讚	變	轉	漲
2010	暑	漲	亂	淡	火
2009	新	被	浮	盼	起
2008	変	和	爭	亂
2007	偽	漲	油
2006	命	炒	亂
2005	愛
2004	災
2003	虎
2002	帰
2001	戦
2000	金
1999	末
1998	毒
1997	倒
1996	食
1995	震
年份	日本	中國國內字	中國國際字	台灣	亞洲週刊	馬來西亞	新加坡	澳門	香港	美國	法國	備註