無綫除夕播大陸跨年晚會 齋講普通話不設粵語配音

以前無綫電視每年12月31日都會喺現場轉播喺維港兩岸舉行嘅煙花倒數活動,但今年由於武漢肺炎疫情,旅遊發展局今個月初宣布取消活動。根據無綫電視節目表,今年除夕夜翡翠台將轉播由無綫及內地影片網站「嗶哩嗶哩彈幕網」合辦「2020最美的夜跨年晚會」,而且不設粵語配音。

無綫喺網站介紹話:「2020年極不平凡,世界各地飽受疫症衝擊,不少娛樂盛事亦受到一定的影響。《2020最美的夜跨年晚會》上,來自兩岸四地的演出單位將會打破地域界限,與觀眾們一同送別困難重重的一年。香港藝人周柏豪、HANA菊梓喬、蕭正楠亦會參與其中,聯同各地歌手接力送上連串好歌。這場盛會透過音樂連結彼此,陪伴大家迎接美好的新一年!」

香港藝人周柏豪雖然近日宣稱愛國愛港,但佢以往同黃之鋒合照、IG POST嘅證據都俾大陸網民發掘,被質疑根本係「黃皮白心」,潛伏喺「藍營」。今次佢獲邀出席大陸網絡晚會,都證明佢繼續「潛伏」成功。

0 0 votes
Article Rating