日前（9號）大帽山雷達站出現紅字表忠簡體標語「听党话 跟党走」、「法纪严 风气正」、「忠诚坚毅」簡體字，保安局首次承認該處有軍事用途。今日有關建築再現多6隻紅色簡體字「能打仗 打胜仗」，軍事宣示意味昭然若揭。
日前網絡流傳圖片，顯示一班軍人喺到釘裝紅字簡體標語
大帽山雷達站一直都唔喺港府公布《軍事設施禁區令》嘅19幅軍事用地之中，但用地之內可見軍人同軍事通訊設備，甚為神秘。有外國傳媒指，該雷達站可以覆蓋全港，監聽所有通話同電子訊號。
中聯辦都係用正體字招牌
紅色大字標語並非本港常用廣告或招牌形式，香港商店會有更有文化嘅魏碑體書法招牌，或現代感嘅黑體招牌。即使中聯辦以往都係用正體字作為招牌。不過解放軍通常就會跟返大陸慣例，喺軍事用地擺大大隻字簡體宣示口號。