乃木坂 46 香港出世嘅黑見明香 又寫又講廣東話祝大家新年快樂

香港一路都好關注日本偶像,當中都產生咗唔少文化交流。日本偶像組合「乃木坂 46」嘅香港出生成員黑見明香,就用廣東話同大家拜年,祝大家新年健康愉快。

黑見明香係乃木坂 46 嘅 4 期生。日前,她喺 NHK 電台節目《今日は一日“乃木坂46”三昧》中,透過電話用唔同語言,包括廣東話同北京話話向聽眾拜年。學緊廣東話嘅佢努力咁同大家說﹕「大家好,新年快樂,祝、大家一個愉快、健康嘅、2021,多謝。ありがとうございます。」引來同席嘉賓驚嘆同讚好。

佢之前喺電台節目都透露佢個名都係同香港有淵源:「我係喺零四年年農曆新年嘅時候喺香港出世,嗰時啱啱係沙士,大家都非常不安。但係我周圍嘅人俾咗好多嘢我,譬如食物、口罩之類嚟幫助我。所以為咗感激當時幫助過我嘅香港人,我個名入邊就用咗個「香」字。我唔識講廣東話,只能夠簡單地自我介紹,如果大家有啲咩學習廣東話嘅好方法就請話俾我知啦。」