消息指中聯辦海嘯式大換血 「識廣東話、曾經來港」已非新血準則

《香港01》今日「政情」放風指,中聯辦一半崗位出現人事變動,有傳現時全辦480人員編制中,約240個崗位會有人事變動,規模歷來最大。消息指中聯辦日後工作「本質」會改變,唔再係「簡單咁做做宣傳、食飯剪綵」,反而出外見人都要寫份報告,同港人表面嘅接觸似乎會減少;所以好多黨員以往都冇嚟過香港工作,又唔識廣東話,都成為咗中聯辦「新血」。

知情人士就話,今次係人員換班,唔係「炒人」,而係希望「新人事、新作風」,以全新方法處理香港問題。佢話接任嘅就係尤其好多都同香港冇交集,可以「更客觀」、「更科學」咁分析香港問題。而接任嘅新面孔亦較年輕,來自「五湖四海」,目的就係以全新嘅角度和方法,探討、解決香港錯綜複雜嘅各種政治和經濟民生問題。

涉及人數眾多,該消息人士指,不單止涉及基層崗位,亦觸及部級管理層。中聯辦主任駱惠寧轄下有6名副主任及1名秘書長,再轄下有多個機構,包括辦公廳、信息諮詢室、信息中心,以及社團絡部、社會工作部、港島工作部、九龍工作部、新界工作部等21個「部」。中聯辦「部長」級別僅次中聯辦副主任或秘書長。

消息人士話,是次人事變動或是中央對港方針進入新嘅「改革階段」,但都係嗰句啦,「強調『一國兩制』、港人治港、高度自治的總原則不會改變」。

傳聞宣傳文體部原部長李海堂已離職,獲安排另有任用,而去年11月由政法委「空降」嘅副部長鄭琳,將會「坐正」。

香港01今朝7點鐘準時片圖並茂放風中聯辦換人