張宇人提私人草案 倡外地醫生執業唔一定要識廣東話或英文

立法會功能組別(飲食界)議員張宇人噚日提出私人條例草案,建議政府放寬門檻,例如輸入非本地培訓醫生不限於香港永久性居民。佢又批評醫管局請外地醫生嘅要求太難,認為外地醫生並非一定要同時掌握英文同廣東話。

佢就《醫生註冊條例》提出議員法案,建議賦權食衞局局長「認可」外地頒授之醫科資格,俾香港永久性居民及子女畢業後可回港實習,即係免試執業路徑。佢又建喺衞生署、醫管局同兩間大學工作嘅外地註冊醫生,連續受僱不短於五年後,可免考執業試,取得正式香港執業資格。

佢批評醫管局用人唯廣東話人:「當然識英文就必然啦……醫管局而家仲要請識英文同識廣東話,正正收窄晒你可以請到嘅專科醫生。」

醫學界陳沛然喺會上回應指對修例失望,又指醫生註冊考試成立係由於 97 年香港回歸,質疑修例後免試係倒退到97年前。而且唔熟習本地環境嘅海外醫生喺有限度註冊下多數海外醫生會選擇喺大學工作,唔會到公立醫院最「爆煲」嘅地方,「喺現實環境上,(修例)幫唔到我哋」「政府用咁大動作,改一個行之有效嘅考試制度,唔知道對未來嘅醫療水平帶來多大影響,可能係會得不償失。」

張宇人回應指,外地醫生並非一定要同時懂英文或廣東話,佢批評公共醫療醫生協會會長馬仲儀話:「我今日都聽到好多啲醫生,有個唔知姓馬嘅,不停咁講『佢識唔識英文』咁,當然識英文就必然啦……醫管局而家仲要請識英文同識廣東話,正正收窄晒你可以請到專科醫生來。」

公共醫療醫生協會會長馬仲儀回應指,本港醫療體系以英語為主,包括文件、醫療術語等,認為有關問題相當重要。佢又指,現時醫生短缺唔係最嚴重嘅階段,反而欠缺病床、護士、抽血員等資源。