中國喺各國家嘅大學設立「孔子學院」,美其名為「普通話教學」、「提倡中華文化」,實質被揭發係間諜機構,並唔係教育咁簡單。隨住醜聞不斷,各國市民都發起請願希望可以關閉孔子學院。

荷蘭有香港留學生就發起聯署,指出自孔子學院係瑞典同美國全被摺埋之後,喺2019年,位於荷蘭南部嘅禮頓大學(Leiden University)亦宣告同孔子學院終止合作。但呢啲都無阻孔子學院擴大勢力嘅野心,轉而向北部嘅大學埋手。喺大城市格羅寧根一直有間孔子學院同緊城市入面兩間大學格羅寧根大學(University of Groningen )同漢斯大學( Hanze University )有合約關係。

嚟緊三月格羅寧根大學就會同孔子學院商討係咪繼續合作。一旦同意合約繼續嘅話,將會孔子學院延續開辦五年。有見及此,荷蘭嘅香港留學生同其他學生組織,加埋議員喺上年開始寫咗唔同文章去質疑孔子學院嘅認受性同自由度。

上個月尾,香港留學生仲草擬咗一份聯署要求大學立即終止同孔子學院嘅合作關係,以阻止中國在外滲透更多間諜活動同埋左右荷蘭大專院校甚至全國教育制度嘅大小決定。

聯署連結

主辦方話,只要你現在/曾經係荷蘭就讀、任職、係學生嘅家長,又或者你係有荷蘭居留權或passport 嘅都可以參加今次聯署!

gcipetition.nl (入面有埋聯署信網址)

5 1 vote
Article Rating

港語學

                           

作者介紹

訂閱
提示
guest

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

0 Comments
Inline Feedbacks
View all comments