中國留學生稱語言不通難投訴非禮 促澳洲校園設多語言服務

近日,雪梨大學中國留學生組成校園反性侵同盟Victims and Supporters’ Collective,呼籲校方為性侵投訴系統增設多語言服務,令學生投訴「更透明,更有效率」,等校園變得更安全。

根據雪大目前嘅政策,學生遭受性騷擾或性侵犯,如果唔報警,可以向學校投訴,尋求協助。投訴者喺網上填妥一份表格後,學校職員會聯絡投訴人,提供協助或轉介其他部門處理。

要求學校專門處理學生事務的機構受理案件,機構會收集證據、作出裁決,從而為受害人提供補償,對肇事者進行停學、退學等懲罰,甚至報警。

入讀澳洲大學,唔係本身要識英文咩?發起人顏浩表示,有唔少留學生受害人反映,由於投訴表格有好多唔常用嘅英文詞彙,同學校職員溝通期間經常都聽唔懂、表達唔清。例如prosecution(起訴)、interim measure(臨時措施)呢啲詞彙,平時都唔會學識用。

佢話:「(受害人訴說遭遇)用母語都很艱難,何況是不熟悉的語言……這是切切實實影響受害人維護權益的問題。相反,學校在一些盈利的部門比如市場部,卻有提供多語言服務。」

佢提出,由於雪大嘅留學生人數眾多,學校理應提供包括中文在內嘅多語言服務。

留學生嘅行動甚有組織,喺疫情期間除咗遊行之外,仲隆重其事,舉行咗發佈會,提供活動相片同新聞稿畀傳媒。

校方回應指,相關部門負責嘅聯絡員都經驗豐富的,會為求助學生提供適合嘅協助,甚或有需要時提供埋翻譯員。

屏幕快照 2021-02-04 上午11.41.15.png,12

佢哋仲整咗《假如我是USYD性侵受益者》嘅「體驗式問卷」,以投訴人向校方求助後被多次盤問直至得直嘅「真實經歷」做背景。

由2015年起,中國留學生喺澳洲各間大學嘅學生會擔任諸多職位,被形容為「佔據了半壁江山」。悉尼大學學生會過半職位都係由留學生擔任。中國留學生亦都熱衷於參選學生會,爭取增加留學生嘅權利。