由中國資助、以推廣普通話為名而廣設各國嘅孔子學院,早前被指係中國政治宣傳機構,前美國國務卿蓬佩奧指斥係間諜機構,要求全面關閉。前美國總統特朗普更加以總統行政命令要求,由幼稚園以至大學都需要披露同孔子學院嘅合作關係。

但呢項行政命令被揭發俾拜登靜靜雞咁取消咗。美國現任總統拜登喺冇任何公布嘅情況下取消咗呢項限制政策,最終係有傳媒查返美國資訊與監管事務辦公室(OIRA)嘅紀錄先發現,拜登喺1月26日已經靜靜雞取消咗呢項政策,當時佢只係上任唔夠一個禮拜。

眾議員麥卡錫(Kevin McCarthy)都轉貼報導,批評拜登政府駡疫情蔓延一年之際,不但冇俾中共為咗顛倒是非嘅行為負責,反而仲獎勵中國,俾佢哋嘅政治宣傳滲透至大學校園。

前美國總統特朗普之前指出,根據聯邦調查局(FBI)同美國司法部(DOJ)嘅調查,孔子學院以大量資金,偽裝成語言同文化活動,藉此進行可疑嘅活動。雖然孔子學院未曾全面公開同中國共產黨嘅聯繫,佢哋同中國政府嘅統戰機器同知識產權盜竊都有密切關連。

 

5 2 votes
Article Rating

港語學

                           

作者介紹

訂閱
提示
guest
0 Comments
Inline Feedbacks
View all comments