喺今日（12號）大年初一，英國約翰遜都特登拍片向英國華人社區致謝；並且用廣東話「恭喜發財」同當地華人拜年。

佢多謝華人喺教育、商業、醫療上作出嘅良多貢獻。佢話好遺憾今年因應疫情唔好如常舞龍舞獅，但都好似太歲牛咁展現力量同決心，最終定能戰勝疫情。

佢又話英國人同華人一樣都要面對疫情、氣候改變同全球經濟衰退，希望大家農曆新年過得豐盛、開心。最後佢用英式廣東話祝福大家：「恭喜發財！」

「恭喜發財（Kung Hei Fat Choy）」因為英港交流而深入民心，都係好多英國人熟知嘅新年賀詞。

據統計，廣東話係英國華人主要嘅母語（約300,000人），係普通話人口（12,000）嘅25倍。預計隨住香港移民，廣東話人口仲會不斷增加。