《狂舞派3》全用廣東話字幕 搵專研廣東話團體校對

今日(18號)喺政府放寬限聚令下,戲院都終於開返,備受注目嘅本地電影《狂舞派3》久候多時都喺今日首映。製片商高先電影總經理曾麗芬透露,今次電影係有個有趣設定:「我哋會全用廣東話字幕。」

佢又話:「其實早喺80年代港產片都係用廣東話字幕,今次我哋更搵到一間專門研究廣東話嘅團體幫手校對。」但就未有透露係邊個團體幫手校對。

《狂舞派3》係劇情舞蹈片,由黃修平執導,今集就講咗好多本地rap文化。喺預告片中,睇到入邊有好多廣東話rap嘅內容,而當中用全廣東話字幕就好幫到觀眾去理解唱詞內容。

原本預定喺上年聖誕,但由於政府因疫情閂戲院,延期到今日(18號)上映。

5 2 votes
Article Rating