城大校長郭位填詞新校歌 同學如不尊重將重罰

香港城市大學今日(22號)舉行傳媒春茗,副校長(發展及對外關係)李國安表示,為加強大學定位及品牌,今年會推出新校歌,內容主要係鼓勵師生專心教學。校歌已經寫好普通話、廣東話版本,英文版就仲改緊。

城大校長郭位表示,新校歌《學研出塵》代表佢對教學嘅看法,希望學校能做到政治中立,以教學為主。

李國安話,留意到唔少中小學都有校歌,為咗令更多人了解城大,所以就構思創作新校歌。校歌將會由校長郭位填詞,希望師生能專心從事教學同研究工作。
被問到早前有城大學生將歌手李克勤嘅流行曲《開學禮》填詞成《找郭位》,李國安就只係回應話:「任何人喺社會上做啲咩、講啲咩都要自行負責」。佢就只係會關注校歌嘅創作,管理學生行為嘅事就交畀其他部門處理。
但呢首歌今日「發布會」上都仲未有得聽。城大話會喺聽日正式公布。目前有廣東話同普通話版本,而英文版仲係修改緊。
城大喺舊年底增設「校歌法」「校徽法」等校規,禁止學生破壞大學品牌及形象包括惡搞校歌(例如《找郭位》)、校徽(例如將logo改成反檯「全部同我企起身」)嘅行為,被坊間恥笑為「郭安法」。
《找郭位》一曲諷刺校長郭位喺城大被警察攻打時消聲匿跡,城大紀律委員會裁定涉事學生恐嚇或欺凌、迫害他人及傷害校譽,需罰寫道歉信畀郭位同校方,並禁足校園一段時間。
另外,城大公關今次閉門春茗唔再廣邀記者,只係請咗10間傳媒,當中唔包括 《蘋果》、《立場》,亦都惹人非議。據聞本來公關應承傳媒有問答環節,但突然宣布時間唔夠而取消問答環節,惹起公憤。

附:城大惡搞歌曲《找郭位》

城大各位 找郭位 考入去都曬學費
沒材幹 喺校舍內四方起牆的契弟
Grad 咗費事行大禮 宿舍會自我關閉
綠衫狗會直接衝入嚟 真失禮守我校 無論代價多重
校長偏 當天請咗病假
報了警 火魔或磚雨都冇乜用
郭位佢只會賣港附庸大概這間不過是 為 ranking 得學店吧
Shitty 染紅很弱智 為人民幣去
遺忘校訓 唔會真摯城大各位 找郭位 考入去都曬學費
願和你 頂硬靠著手足守望跟勉勵
槍炮裡完成學位 守信念代價真貴
校董怎會助你爭訴求 巴之閉又中 TG 死咁滯 橡膠會射爛個胃
拉咗佢唔幫住你 運程能預計
未能入世 就已乞米城大各位 找郭位 考入去都曬學費
沒材幹 喺校舍內四方起牆的契弟
Grad 咗費事行大禮 宿舍會自我關閉
綠衫狗會直接衝入嚟 真失禮城大各位 找郭位 考入去都曬學費
沒材幹 喺校舍內四方起牆的契弟
Grad 咗費事行大禮 宿舍會自我關閉
綠衫狗會直接衝入嚟 真失禮

舊版校歌