習帝要避諱?大陸官方標語改「陋习」為「陋刃」

最近喺社交網站流傳一張大陸官方標語嘅相,口號係「革除陋刃,提高文明衛生水平」。革除陋刃意義不明,大陸網民質疑官員由簡體字「陋刁(陋習)」刻意改成,目的係避開唔好涉及国家主席領導人「习近平」個姓名,以免影射。

網傳相片

專欄作家馮睎乾喺《蘋果》笑言,做法仿似避諱帝王名字。而古人只避名不諱姓,「我朝破天荒諱姓,真的令我非常激動……按中華文化偉大傳統,『习』或可改字為『惯』,或可缺筆為『刁』,甚或直接空掉;現在卻把『习』改成音義截然不同的『刃』,突破古人『改字缺筆空字』原則,又一驕人成就!」

雖然得幅相未能確定影相地點,但港語學翻查大陸社交網站微博,查正常詞語「陋習」竟然搵唔到任何結果,睇來避寫「陋習」真有其事。

 

 

3.5 2 votes
Article Rating