教務議會通過不必修讀普通話

【進度報告】取消普通話畢業要求終於有進展,今日教務議會終於一致通過議案,下學年起增設豁免口試(Exemption Test)。同學唔洗再焗住修讀普通話課程,浪費學習時間同教學資源。

浸大設立普通話畢業門檻近十年,逼使同學用3學分報讀普通話課程,否則唔准畢業。苛政一出,人人頸上架把刀,每位同學都要耗盡心力背誦拼音, HKBU Secrets中叫苦連天。

有見及此,山神喺去年四月發起公投,九成同學和同廢除門檻嘅渴望;及後多次與校方會談,爭取盡快廢除普通話畢業門檻。最終校方認同改善語言政策嘅方向,計劃分階段進行:首先設立豁免考試,讓同學不必耗費3學分修讀課程;當考試證明同學具一般普通話溝通能力,將撤除普通話畢業門檻。

校方承諾,豁免試方案屬短期措施,會盡快再度檢討門檻政策。口試只會考核溝通能力,容許發音具口音,不再要求朗讀拼音及京腔,不再使用電腦考核;口試唔會為強留門檻,刻意刁難同學。

對校方終於踏出撤除門檻嘅第一步,山神表示歡迎,亦會審慎監察豁免試嘅細節,督促校方盡快撤銷政策,解浸大同學於倒懸。感謝同學、學生會同教務議會學生代表嘅努力,我哋唔會鬆懈,定會跟進到底,直到校方真正撤走門檻為止。

0 0 votes
Article Rating