學生私隱洩hall can 浸大山神遭點相

【學生私隱洩漏危機!】
今日下晝三點,山神祭司陳樂行往浸大食坊(Hall Can)用膳,獲信眾告知餐廳職員在尋找山神。陳樂行環視四周,發現一名身穿牛仔褸的餐廳女工正手持一疊文件左顧右盼,封面為一張A4紙大嘅陳樂行相片(如圖所圈),於是陳樂行起疑,上前察問。

職員起初否認在點相。陳樂行就出示學生證件,確認職員文件中嘅照片為陳樂行提供校方嘅學生相片,底下仲有另一個不知名同學嘅相。職員稱正在尋找「朝早食通粉出事嘅同學」,但陳稱朝早根本未踏足校園。其後職員稱不知情,喺陳樂行離開後與經理耳語,並且走入房間。

點解浸大食坊會擁有同學嘅學生相片?學生相片屬校方管理嘅個人資料,浸大食坊如何得來?「點相」嘅目的又係乜嘢?

近日Hall Can易手,新安裝學生證拍卡機,以畀同學拍卡確認身份,取得折扣。要確認身份,出示學生證即可,點解要用拍卡機?Hall Can要使用拍卡機,取得幾多學生資料?Hall Can有權查閱同運用嘅資料有幾多?如果浸大可以隨意畀學生資料餐廳,咁學生私隱又有冇透露畀其他機構,甚至警方同中聯辦等?以上疑難,還請舍堂組同浸大食坊務必盡快解答,以解決同學對私隱洩漏同政治審查嘅不安。

最新消息:經到場初步了解,浸大食坊稱有關學生證相片係舍堂組主動提供,與餐廳無關。舍堂組則稱負責同事去咗開會,稍後會致電解釋。山神先於hall can用餐,靜候消息。

(山神已去信舍堂組、浸大食坊及高層查詢,並準備向個人資料私隱專員公署投訴。事關重大,務請廣傳!)

0 0 votes
Article Rating