山神接納校方道歉

上周浸大山神陳樂行向校方投訴遭浸大食坊點相。陳樂行及後到訪餐廳及舍堂組了解情況。舍堂組稱,當日朝早收到一通有關「浸大食坊」食物質素嘅電話投訴。當時投訴人只留低另一位同學嘅學生號碼,但舍堂組職員仍將投訴人誤認為陳樂行,於是舍堂組向食坊職員借出有關同學及陳樂行嘅照片,希望找到投訴人,問明事件。校方承認處理學生個人資料上有疏忽,相關代表致函及親身向陳樂行道歉。

至於同學對餐廳讀卡器洩露資料嘅擔憂:校方仍提供相關技術說明解釋:讀卡器由大學提供,只能辨識使用者出示的證件是否由大學發出,並無讀取個人資料功能。

雖然錯認投訴人實屬荒謬,亦造成陳樂行本人不安,幸好事件中並無其他同學受傷;校方亦已訓示所有前線同事必須小心處理個人資料,並會加強職員在個人資料和處理投訴程序上嘅培訓。因此,陳樂行亦接納其道歉,既往不咎,希望下不為例。

0 0 vote
Article Rating