以後聾啞人士都要唱國歌!中國制定國歌通用手語方案 紀念中國共產黨成立一百周年

2021年3月起,中國實施《〈中華人民共和國國歌〉國家通用手語方案》,方案首次規定聾啞人士應用國家通用手語「唱」國歌。據悉,呢個都係中國共產黨成立一百周年嘅慶祝活動。

教育部話,國歌手語版係俾聽力殘疾人切實體會國歌的真實內涵,從而和全國人民一同領略國歌激發民族愛國情感、催人奮進嘅巨大作用。該規範的實施切實解決了多年來聽力殘疾人手語使用者在奏唱國歌場合,規範、統一、嚴肅使用手語表達國歌的願望,將使聽力殘疾人全面、準確感受國歌表現嘅民族精神,呼喚內心深處愛國主義情懷。

喺3月1號當日,全國嘅聾啞學校都有慶祝活動,一齊「唱」手語國歌。例如成都嘅特殊學校就搵晒200個聾啞學生一齊唱,「鼓勵殘疾學生繼承和發揚黨的光榮傳統」。

不過,推廣統一版手語其實好難。中國唔同地區嘅人都會使用唔同嘅地區手語。有專家指出,普通話版手語詞彙量貧乏,又缺乏生動形象嘅表情語言,冇科學嘅語法體系同嚴密嘅邏輯結構,所以不受歡迎。

0 0 vote
Article Rating