史前歷史都要改 政府年報將香港史前文化「沒有受到外來重大影響」改為「同樣受到中原文化影響」

最近董建華編修《香港志》,被質疑謬誤甚多,係要改造歷史迎合中共政權。有研究發現,由官方出版嘅《香港年報》本來一直都描述香港嘅史前文化「沒有受到外來重大影響」,但自2017年起,就篡改做「同樣受到中原文化影響」。

《紐約時報中文網》喺<香港政府利用歷史灌輸愛國主義和忠誠>嘅報道指出,喺政府年報「歷史」一章都會喺6000年前嘅考古遺迹講起。由1997年至2016年期間,年報一直都話史前文化係「在本土逐漸形成,並沒有受到外來文化重大影響」;但喺2017年呢句話就消失,取而代之嘅係香港文化「同樣受到中原文化影響」。年報本來有「香港的華人只求不受干擾,故在港英政府的開明統治下,均能安居樂業。」一句,但都喺17年打後嘅版本被刪除。

睇返香港嘅考古往蹟,其實2003年喺西貢企嶺下海黃地峒發現咗可能係35,000年嘅舊石器時代產物,係中國最古老嘅石器發現,當時大陸仲以「嶺南或為華人發源地」報道。但研究唔知點解冇繼續做落去,呢個重大發現都冇喺年報被提及。

0 0 vote
Article Rating