台灣嘅陸生聯招會日前公布2020年嘅收生統計,原來呢年係2011年開放大陸學生就讀而來人數最低。碩士以上人數減半,由2019年嘅1289跌至573人,而學士收生人數更加由2019年嘅970人跌至0人!總幹事張鴻德話:「陸生將會消失於台灣校園。」

陸生聯招會張鴻德話,呢啲都係中國教育部嘅決定,而佢哋都冇回應台灣嘅招生計劃。所以而家收嘅學生,都係喺台灣讀緊書,諗住繼續喺台灣繼續讀嘅大陸學。佢話大陸嘅大學近年都搶收台灣高中生,雙方應該對等先啱。如果呢批舊生畢業之後,「源頭遭卡,陸生將會消失於台灣校園。」

文化大學教務長方元沂就話,大陸學生唔嚟,校內服務大陸學生嘅小組都縮減人手,調去其他部門。文化大學學生數眾多學校,影響唔大,但估計對規模小嘅私校衝擊都幾大。其他台灣大學嘅發言人就話,會推動國際化,招收返啲歐美地區同南面國家去抵銷呢啲衝擊。

至於香港及澳門就未有受大陸禁台政策影響。根據統計,每年都有近2,000個香港學生報讀台灣大學,但喺2020年就有高達4097名港生報名。

中國大陸舊年宣布不再開放陸生赴台就學,淨係俾喺台灣讀緊學士、碩士嘅陸生升讀更高學位;相反,大陸就冇改動台灣學生去大陸讀書嘅政策。台灣教育部表示,教育部沒鼓勵國人赴陸,主因係大陸大學參差不齊,唔會承認部分學校嘅學歷。而且當地就學環境有好多政治介入、言論同審查干涉,呼籲學生如果真係去就小心啲,保障同維護自己嘅權益。

0 0 vote
Article Rating

港語學

                           

作者介紹

訂閱
提示
guest
0 Comments
Inline Feedbacks
View all comments