最近有海外港人成立生活指南網站，為有意移民嘅港人提供生活資訊，希望凝聚香港人力量，秉承助人自助精神。呢個平台就係完全用廣東話書寫、以社企形式運作嘅DNLM Directory (Delay No-more Listing Master) 。
平台由十幾歲移民美國嘅「十三妹」同「毒南」創立。佢哋話用DNLM呢個名除咗要表達「對社會嘅憤怒」，都希望加入香港本土元素：「我哋想喺個名唔提香港，但可以俾人一眼便睇出（個網）同香港有關。」
佢哋話希望提供香港人免費買賣個人以至商業產品嘅平台，拓展海外香港人市場；而且希望打破香港人之間嘅同溫層，鼓勵香港人探索新嘢。
佢哋又話，會將收入扣除必要開支用作幫助同路人適應海外生活，同埋聘請同路人。佢哋暫時服務地區包括美國、英國、加拿大、台灣、德國同澳洲。
介紹影片: