中國大肆宣揚香港政協「香港教育必須向祖國學習」論 大陸網民嗤之以鼻

中共港區政協委員蔡黃玲玲係香港升旗隊總會名譽會長,為咗推銷佢做開嘅升旗教育,噚日好似夾定記者問佢:「您一直在香港的校園裡推廣升旗計劃,請問您為什麼一直堅持這麼做?」佢就話「香港教育必須向祖國學習」,做好升旗教育。其中呢句「香港教育必須向祖國學習」就俾大陸喉舌用嚟大造文章。

佢話,香港在「回歸」之前冇國民教育,搞到好多細路對「愛國教育」認識很淺;又有佔中運動和修例風波「突顯香港教育出現很大問題」,所以「香港的教育必須向祖國學習」,其實即係搞多啲升旗禮。

呢一番「香港的教育必須向祖國學習」嘅言論,旋即俾中共喉舌媒體同共青團大肆宣揚,但大陸年輕網民都不以為然,對呢番言論嗤之以鼻。

有網民話「真的太好笑了,哈哈哈,這就是文化自信吧可能。」「這位委員一定是個好黨員,但未必是個合格的教育諫言獻策人士!她的意思是香港的教育理念不如大陸唄?殊不知國際排名的大學,大陸有幾家,香港又有多少家?一看便知。說真的,這些代表真不知道代表的是誰。」

始終香港嘅大學都係好多大陸學生一直都想爭入學嘅地方,話「香港教育必須向祖國學習」,都係難以令人置信。

0 0 votes
Article Rating