城市大學都準備改名?認為校名限制發展 教務委員提議「南洋大學」、「華南大學」

香港公開大學決議改名做「香港都會大學」,似乎都引起咗本港大學嘅改名風潮。消息指,城大喺早前教務會討論修改校名,校長郭位同唔少教授贊同,勢在必行咁。學生代表就唔係咁支持,亦都覺得呢個建議應該先諮詢師生。
城市廣播引述消息指,教授謝旻喺教務會上提出修改校名,認為而家校名限制學校嘅發展。席上反應熱烈,有人提議「南洋大學」和「華南大學」作為新校名。
研究生會代表喺會議上表示反對,認為會影響就業。而學生會代表則持保留態度,認為校方需先諮詢學生意見。 校長郭位總結席上有唔少教授支持,會就此事再作研究。
不過,坊間意見就唔多讚好。有人質疑「個校名同發展有乜關係?改咗個名就會有好發展?咁不如香港改名啦 」又有人批評話「個名衰過都大……」