研究指長期戴口罩阻礙兒童識別語言 專家畀建議幫助成長

全世界嘅人都戴咗成年口罩,大人都覺得有啲唔舒服,但對小朋友嚟講可能影響更大。專家表示,兒童好依賴視覺語言同讀唇去學習語言,長期戴口罩會影響佢哋嘅語言能力發展。

耶魯兒童研究中心高級科學家盧科維奇(David Lewkowicz)就話:「出世頭一年係學講嘢同發展語言最主要嘅時候。」

盧科維奇喺疫情之前已經研究咗好耐視覺言語資訊、讀唇對小朋友幾重要。佢喺2012年出咗篇研究,就係睇嬰兒對住一個女人講嘢嘅影片,用眼睛追蹤儀器去睇嬰兒個目光擺喺邊到。

「簡單啲講,我哋發現四個月大嘅嬰兒對講者嘅眼睛好有興趣。但到八個月大嘅時候,個轉變好大,佢哋會開始望多啲講嘢個人個嘴。」

2012年兒童視線研究嘅圖片 (David Lewkowicz/Haskins Labs/Yale University)

隨住佢哋長大,嬰兒會靠唇讀做言語發展嘅一部分。對於而家喺托兒所嚟講,嬰兒對住啲蒙晒面嘅保姆,久而久之都會有啲不良嘅影響。

如果喺雙語家庭嘅人戴口罩,盧科維奇指可能會對嬰兒造成更大嘅損害,因為呢啲雙語兒童會更加倚賴讀唇去分別兩種語言讀音嘅唔同。

但係對家長同監護人嚟講,又唔洗咁驚嘅。專定建議,要抵銷口罩對言語發展嘅潛在影響,方法相對簡單:就係增加喺屋企同嬰兒面對面相處嘅時候。

盧科維奇:「就咁用兩臂將佢哋抱起,擺佢哋喺你面前,同佢哋交流,咁佢哋就攞齊成套——聆聽同視覺套裝。」

Julie Amoroso holds her seven-month-old son Isaiah. Researchers say the first year of a child’s life is a crucial period for speech and language development. (Jared Thomas/CBC)

讀唇難,讀心亦難。兒童發展社交技巧都面對緊好大挑戰。多倫多愛德華國王小學(King Edward Junior and Senior Public School)幼兒班老師蓋蒂斯(John Gelntis)就話,學生而家好難學點樣清晰表達情緒,而家教班都要改改啲活動幫佢哋,例如教佢哋點樣辨別戴口罩嘅人表達嘅情緒,例如教佢哋聽聲音、睇身體語言和眼睛,辨別對方微笑、高興定害怕。

多倫多大學發展神經科學家李耿(Kang Lee)嘅研究話,戴著口罩嗰時,6至14歲兒童臉部識別能力下降約20%。成年人可以著有個性啲嘅衫,例如老師戴上帶有花花圖案嘅口罩,同埋唔好改變髮型同眼鏡,咁會幫到小朋友認出認得嘅人。

0 0 votes
Article Rating